वर्षाच्या ३६५ दिवसातला एक दिवस महिलांच्या नावानी घोषित करून त्याच्या शुभेच्छा फोन किव्वा तोंड दोन्ही भरून देण्यापेक्षा प्रत्येक दिवशी समान न्यायाने वर्तन केल्यास 'हि' वागणूक विशेष दिन म्हणून साजरी करावी लागणार नाही. कदाचित असा दिवस ठरवून साजरा करावा लागतो हि खंत असू शकेल.पण कृतज्ञता आणि प्रेम या दोन्ही भावना व्यक्त करण्याकरिता प्रातिनिधिक म्हणून असलेला हा दिवस असावा.
'रांधा वाढा उष्टी काढा' पासून ते 'मुलगी शिकली प्रगती झाली' या मार्गावर धावणारे आपण पुन्हा 'बेटी बचाओ बेटी पढाओ' या वळणावर हळू का होतो याचा विचार अंतर्मुख करायला लावणारा नक्कीच आहे.
फोटोचे आणि महिलादिनाचे साधर्म्य म्हणाल तर फोटो मध्ये वाघीण आहे.आणि अर्थातच फोटो आणि लिखाण यात कुठलाही उपहास दडलेला नाहीये.आपल्या बछड्यांना घेऊन मार्गक्रमण करणाऱ्या वाघिणीची आगंतुक आलेल्या जीपला पाहून झालेली मुद्रा 'पोटच्या पोरांची काळजीच दर्शवते'.या आणि अशा अनंत मुद्रा अनंत अवतारात सदैव धारण करू शकणाऱ्या सर्व महिलांना 'महिला दिनाच्या' मनापासून शुभेच्छा.
‘ यत्र नार्यस्तु पूज्यन्ते रमन्ते तत्र देवताः |
यत्रैतात्सु न पूज्यन्ते सर्वस्ताsफलः क्रियाः ||’
या ओळी स्त्रीमहात्म्य तोलून धरायला पुष्कळश्या सक्षम आणि स्व-स्पष्टीकरणात्मक आहेतच.
पुन्हा एकदा शुभेच्छा !!!
Bor Tiger Reserve | India
No comments:
Post a Comment