चालत फिरण्यासाठी कशी जागा असावी असं जर कोणी मला विचारलं तर हा फोटो हे माझे उत्तर असेल.प्रथमदर्शनी हि जागा पाहिल्यावर माझ्या डोक्यात आले ते म्हणजे 'गोंद्या आला रे आला' चे ते दृश्य.तशीच ती घोडागाडी,लपलेले दामोदर आणि बाळकृष्ण हे चापेकर बंधू,टांग्याबरोबर पळणारा त्यांचा साथीदार आणि राणीच्या राज्याभिषेकाच्या हीरक महोत्सवावरून परतणार 'रँड' अधिकारी आणि लेफ्टनंट आयर्स्ट.डोळ्यासमोर बंदुकीचे चाप ओढले जावेत.टांग्यातील गोरे गतप्राण व्हावेत.क्षणिक आर्त किंकाळी उमटावी आणि पुन्हा तीच शांतात.
प्रत्यक्षात मात्र हा जो रस्ता दिसतोय ना अगदी तसाच रस्ता इथून पुढे ४-५ किलोमीटर आहे.पायघड्या घालाव्या त्याप्रमाणे पसरलेली झाडाची पान.त्यावरून चालताना उन्हाची तिरीपही डोक्यावर येऊ नये म्हणून दुतर्फा वाकून उभी राहिलेली बाभळीची झाडं.क्वचितच रस्त्यावरून जाणारी हि टांगासदृश्य सायकल.कानावर अविरत येणारी पक्षांची किलबिल.पावलोगणिक येणार वाळलेल्या पानांचा आवाज.
आग्रा-बिकानेर
या वाहत्या महामार्गाला काटकोनात वळणारा भरतपूर अभयारण्यातील निर्मनुष्य रस्ता आहे.संधी
आणि वेळ दोन्ही गोष्टी मिळाल्यास या पक्षांच्या दरबाराला नक्की भेट द्या.आपण करतो तो
मॉर्निंग वॉक आणि इथला मॉर्निंग वॉक यात कमालीचा फरक जाणवतो 
Bharatpur Bird Sanctuary | India
No comments:
Post a Comment