हमारा कल ..हमारा आज…हमारा
कल ..हमारा आज
बुलंद भारतकी बुलंद तसबीर…हमारा
बजाज …हमारा बजाज …
आकाशवाणीने भल्यापहाटे साद घातली…
सहामाही संपल्याचा आनंद आज ऑफिस सुट्टीच्या आनंदावर
भारी पडत होता…
चिमुरड्या मावळ्यांचा किल्ला बालेकिल्ल्याला येवून
ठेपला
बुरुजाच्या कामाला पोरांनी मला हाताला धरून खेचला…
ओल्या चिखलात आज मनमुराद बरबटलो
आईच्या हाकेपर्यंत त्या किल्ल्यातच रमलो…
माखलेल्या कपड्यांच्या शिव्या हसून सोयीस्कर दुर्लक्षिल्या
स्वच्छतेच्या नावाखाली सगळ्या बादल्या चॉकोलेटी केल्या...
ती बंद पडलेली मॅगी आज नव्याने पुन्हा फोडली
चमच्यात येत नाही म्हणून भांडीच तोंडाला लावली...
DDLJ - २ येतोय म्हणून कि काय...पहिला DDLJ पुन्हा
दाखविला
राज सिमरन आणि लंडन पंजाब आज पुन्हा नव्याने अनुभवला…
मोहालीच्या कडक उन्हात परदेशी पुन्हा फिरकीत अडकला
अगदी कुंबळे हरभजन प्रमाणे आज जडेजा अश्विन चमकला…
संध्याकाळचा चहा आकाशकंदिलाच्या चर्चेत सरकला
तासभराच्या चर्चेनंतर झिरमिळ्यावाला कंदील लटकला…
सगळीकडच्या बातम्यांनी पुन्हा तोच बिहार दाखवला
गंगाजलचा बिहार आज पुन्हा लालूने बळकाविला…
रात्रीचा नजारा काही औरच होता
रवींद्र जडेजाच्या जागी अजय जडेजा होता…
वॉर्नच्या लेगस्पिनला सचिन क्रीजवर होता
पॉइन्ट बाउंड्री सांभाळायला पुन्हा जॉन्टी झेपावत
होता…
वसीम,डोनाल्ड आणि कालिस समोर आज सचिनच ठाकला होता
तो बाद झाल्यावर पुन्हा संपूर्ण भारत झोपला होता…
शेवटी …डायरी लिहिताना चित्त थाऱ्यावर आले
निसटलेले नव्वदीचे पान अलगद घरंगळत आले...
हृषिकेश पांडकर
०८-११-२०१५
1 number pandya....same here pandya...Killa , cricket, Akash kandil....same..kharch Dejavu...!!!!Amazing wording as usual...
ReplyDeleteThis comment has been removed by a blog administrator.
ReplyDeletePandya excellent ani yes Sachin out zalyavar sagala Bharat parat zopala hota Deja Vu!!!
ReplyDelete