खरच...तो फक्त द्रविडच होता....

पृथ्वीतलावर गुरुत्वाकर्षणाचा नियम लागू होणारे सर्वच आहेत...
पण क्रीजवर मात्र चुंबकत्वाचा नियम लागू होणारा द्रविडच होता...

 One down Batsman कसला हो हा ???
 पहिल्याच drinks break ला हजेरी लावणारा हा द्रविडच होता...

दुसरी इंनिंग असताना उन्हामध्ये लेग स्टंप मागून...
Night  Watchman ला पाठीमागे लपवून दिवस वाचवणारा हा द्रविडच होता...

खूप वेळा वाटायचे याचा नंतर सचिन आहे batting  ला ....
पहिली wicket गेल्यावर दुसरी विकेट लगेच पडावी...

 पण असे कधीच वाटले नाही कि द्रविड आउट व्हावा.
का कोण जाणे सचिन असूनही नेहमी वाटायचे द्रविड असावा बाबा ...

 सचिनच्या विश्वासावर बोट नव्हते..
 पण द्रविडच्या खंबीरपणावर  हृदय होते....

समोरच्या टीमच्या  धावांचा डोंगर पाहिल्यावर 
विश्वासाचा पहिला शिलेदार द्रविड होता....

स्लीप मधला catch म्हणल्यावर bowler चे नाव पुरेसे होते
 कारण catch घेणारा द्रविडच होता....

दही हंडी फोडणारा जरी वेगळा असला ...
तरी पहिल्या वर्तुळात पाय रोवलेला द्रविडच होता....

नवीन कोर्या लाल Ball ला शाइन करणारा....आणि..
नवीन कोर्या लाल Ball ची शाइन घालविणारा देखील द्रविडच होता....

सचिन,सौरव,VVS च्या विक्रमांच्या ...
धगधगत्या मशालीचे तेल द्रविडच होता....

Captain,keeper,opener,hitter...
टीम च्या प्रत्येक हाकेला ओ देणारा द्रविडच होता....

Taunton,Eden,Leeds,Lahore .....
साथीदाराच्या  यशात झाकोळला गेलेला द्रविडच होता....

'Bradman Oration' ला अभिमानाने आणि 
WC पराभवाची जबाबदारी स्वीकारून धीराने बोलणारा देखील द्रविडच होता....

मोहाली,मोटेरा किव्वा  मेलबोर्न...
टीम चे जहाज किनार्याला लावणारा 'Captain' द्रविडच होता....

१६ वर्षापूर्वी घातलेले पांढरे शुभ्र कपडे....
१६ वर्षानंतर उतरविताना देखील पांढरेशुभ्र ठेवणारा...द्रविडच आहे..

|| कर्मण्ये वाधिकारस्ते मा फलेषु कदाचन ||

अर्जुनापेक्षा हे वचन ज्याने सर्वात जास्त पाळले असेल 
तर तो फक्त राहुल द्रविडच होता...आहे ...आणि राहीलही....

                                                            - हृषीकेश पांडकर
                                                             ०९-०३-२०१२